Bakı - APA. Soçidə keçiriləcək XXII Qış Olimpiya oyunlarının açılış mərasimində 60 dövlət və hökumət başçısı iştirak edəcək.
APA-nın “RİA Novosti”yə istinadən xəbərinə görə, bunu Rusiya prezidentinin köməkçisi Yuri Uşakov bildirib.
Onun sözlərinə görə, prezident Vladimir Putin qonaqların əksəriyyəti ilə görüşəcək. Onların arasında üç-dörd nüfuzlu beynəlxalq təşkilatın, o cümlədən BMT-nin rəhbərləri də olacaq.
Bununla belə, Y.Uşakov qonaqların sayında artım olacağını istisna etməyib.
Qeyd edək ki, XXII Qış Olimpiya oyunları fevralın 7-dən 23-dək Soçidə keçiriləcək.