Bakı. Vahab Rzayev – APA-Economics. Azərbaycanda fəaliyyət göstərən kommersiya bankları 2013-cü ildə 341,25 mln. manat həcmində vergi ödənilənədək mənfəət qazanıb. Azərbaycan Mərkəzi Bankından «APA-Economics»ə verilən məlumatına görə, bu, 2012-ci ilin analoji göstəricisi ilə müqayisədə 171,34 mln. manat və ya 2 dəfə çoxdur.
Qeyd edək ki, yanvar-noyabr ayları üzrə bankların məcmu mənfəəti 355,76 mln. manat təşkil edib və beləliklə dekabr ayını banklar 14,51 mln. manatlıq zərərlə başa vurub.
İl ərzində bankların faiz gəlirləri 1 646,86 mln. manat, faiz xərcləri 817,64 mln. manat təşkil edib və nəticədə, faiz mənfəəti 829,22 mln. manata bərabər olub. Eyni zamanda, bankların qeyri-faiz gəlirləri 442,60 mln. manat, qeyri-faiz xərcləri isə 759,37 mln. manat təşkil edib ki, bunun nəticəsində qeyri-faiz əməliyyatları üzrə 316,76 mln. manat həcmində zərər yaranıb.
Qeyd edək ki, faiz mənfəəti illik müqayisədə 232,35 mln. manat və ya 38,9%, qeyri-faiz zərəri isə 48,25 mln. manat və ya 18,0% artıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
