Bakı-APA. Ermənistan prezidenti Serj Sarkisyan fevralın 4-də İrəvanda işgüzar səfərdə olan Kollektiv Təhlükəsizlik Müqaviləsi Təşkilatının (KTMT) baş katibi Nikolay Bordyuja və təşkilatın Birləşmiş qərargah rəisi, general-leytenant Aleksandr Studenikin ilə görüşüb.
APA-nın “NEWS.am”a istinadən verdiyi xəbərə görə, Ermənistan prezidentinin mətbuat xidmətinin açıqlamasına əsasən, görüşdə tərəflər KTMT çərçivəsində əməkdaşlıq məsələlərini müzakirə ediblər. “Tərəflər həmçinin KTMT-in hərbi komponentinin inkişafı, 2013-cü ilin sentyabrın 23-də Soçidə KTMT-in Kollektiv Təhlükəsizlik Şurasının sessiyasında qəbul olunmuş KTMT-na üzv olan dövlətlər arasında hərbi əməkdaşlığın əsas istiqamətlərinin inkişafı proqramının reallaşdırılması və kollektiv təhlükəsizliyin Qafqaz bölgəsində təhlükəsizliyin təmini məsələlərini müzakirə ediblər”, deyə açıqlamada deyilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
