Bakı-APA. Beynəlxalq Atçılıq Federasiyasının (FEI) Baş Assambleyasının iştirakçıları Heydər Əliyev Mərkəzində olublar.
APA-nın xəbərinə görə, qonaqlar Heydər Əliyev Muzeyində, "Auditorium"da olublar, eləcə də “Azərbaycanın inciləri”, “Mini-Azərbaycan”, “Azərbaycana xoş gəlmisiniz”, “Azərbaycan mətbəxinin fotoşəkilləri” sərgi zalları ilə tanış olublar.
Qeyd edək ki, dekabrın 11-14-də Bakıda Azərbaycan Atçılıq Federasiyasının (ARAF) dəvəti ilə Beynəlxalq Atçılıq Federasiyasının ali orqanı olan Baş Assambleyanın illik iclası keçirilir. İclasda Beynəlxalq Atçılıq Federasiyasının 350-dən çox nümayəndəsi və 110 ölkədən fəxri qonaq iştirak edib. Bu, indiyədək keçirilmiş Baş Assambleyalar tarixində rekord göstəricidir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
