Bakı. Etibar Məmmədov – APA. “Azərbaycan Xalq Cəbhəsi Partiyasının sədr müavini Fuad Qəhrəmanlı başda olmaqla, dünən Müsavatın beynəlxalq insan haqları günü ilə əlaqədar təşkil etdiyi mitinqi lağa qoyanlar, yaxud onun əks təbliğatını aparanlar hamısı hakimiyyətə işləyir”.
Bunu APA-ya açıqlamasında Müsavat Partiyası başqanının müavini Elman Fəttah partiyanın dünən keçirdiyi mitiqlə bağlı səslənən iradlara münasibət bildirərkən deyib.
Qeyd edək ki, Azərbaycan Xalq Cəbhəsi Partiyasının (AXCP) sədr müavini Fuad Qəhrəmanlı “facebook” sosial şəbəkəsində Müsavatın mitinqini uğursuz adlandırıb. O, mitinqə az sayda adamın qatıldığını iddia edərək, bunun səbəbini partiyanın Milli Şuradan çıxması və yolunu dəyişdirməsi olduğunu vurğulayıb: “Məncə hər bir mitinqin təşkilatçısı iştirakçıların sayını mediaya deməlidir. Deməmək sayın azlığından utanmağı göstərmək üçündürsə, utanmağına dəyməz, çünki hər kəs "adamsızlığı" gördü".
Müsavatı 45 dəqiqəlik meydan dərsindən nəticə çıxarmağa çağıran F. Qəhrəmanlı "bu yol və gəldiyi yoldan sapmış yoldaşlar sizləri çox böyük bataqlığa sürükləyir”, - deyə qeyd edib.
E. Fəttah isə bildirib ki, mitinqin təsirini azaltmaq məqsədilə aparılan anti-təbliğat hakimiyyətin maraqlarına uyğundur: “Çünki Müsavatın mitinqi Azərbaycanda siyasi məhbusların azadlığı tələbi ilə keçirilib və bu, hakimiyyətin əleyhinə olan bir tədbir idi”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
