Bakı. Aynur Əliyeva - APA-Economics. İran Rəşt-Bakı-Həştərxan aviareysinin bərpa olunmasında maraqlıdır.
“APA-Economics” İranın “Farsnews” xəbər agentliyinə istinadən verdiyi məlumata görə, bunu İranın Gilan vilayətinin valisi Məhəmməd Əli Nəcəfi bildirib.
Vali deyib ki, iki ölkə arasında qeyd edilən istiqamət üzrə hava əlaqəsinin bərpa olunması Azərbaycanla İran arasında ticarət dövriyyəsinin artırmasına və əməkdaşlıq əlaqələrinin genişlənməsinə təkan verəcək.
M. Ə. Nəcəfi hal-hazırda Rəşt-Bakı-Həştərxan marşrutu üzrə təyyarə reysinin yenidən açılmasına dair Azərbaycan tərəfi ilə danışıqların davam etdirildiyini açıqlayıb.
Kənd təsərrüfatı məhsullarının istehsalına toxunan vali Gilandan Azərbaycana düyü və çay ixrac ediləcəyini də bildirib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
