Bakı – APA. Avrokubokların III təsnifat mərhələsinin ilk oyunlarından sonra UEFA-nın klublar üçün yeni reytinq cədvəli açıqlanıb. Apasport.az saytının xəbərinə görə, bu həftə baş tutan 44 qarşılaşma müəyyən dəyişikliklərə səbəb olub.
Siyahıda Azərbaycanın 7 komandası da yer alıb. Təmsilçilərimiz arasında ən yaxşı göstərici "Neftçi"yə məxsusdu.
Paytaxt təmsilçisi ötən həftə olduğu kimi, yenə 181-ci sıradadı. Bakılılar 8,150 xala malikdi.
Bir pillə irəliləyən “Qarabağ” 191-ci yerdədi. 7,650 xala malik Ağdam təmsilçisi “Neftçi”dən yarım xal geri qalır.
"İnter" isə 4,650 xalla 268-cidir. Bakılılar son həftədə 3 pillə irəliləyib. "Xəzər Lənkəran" 3,900 xalla 298-ci, "Bakı" 2,900 xalla 350-ci, "Qəbələ" və AZAL isə hərəyə 2,400 xalla 378-ci yerə şəriklər arasındadı.
Qeyd edək ki, 454 komandanın yer aldığı siyahıya İspaniya “Real”ı başçılıq edir - 143,328 xal.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
