"Rusiya öz təhlükəsizliyini təmin etmək üçün bütün lazımi tədbirləri görməyə məcbur olacaq".
APA-nın Moskva bürosu xəbər verir ki, bunu Kremlin rəsmi nümayəndəsi Dmitri Peskov Litva parlamentinin ölkədə nüvə silahlarının yerləşdirilməsinə qoyulan qadağanı ləğv etmək qərarı və Vilnüsün Amerika hərbi bazası planları ilə bağlı danışarkən deyib.
Onun sözlərinə görə, Rusiyanın qonşularının ərazisində nüvə silahlarının yerləşdirilməsi Avropada sabitliyə töhfə verməyəcək.
Kremlin sözçüsü vurğulayıb ki, ABŞ hərbi bazası Litvada yerləşdirilərsə, Rusiya tədbir görəcək.
Qeyd edək ki, Litva Seymi Konstitusiyaya ölkə ərazisində nüvə silahlarının yerləşdirilməsinə qoyulan qadağanı ləğv edən düzəlişi birinci oxunuşda təsdiqləyib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
