Bakı-APA. Sumqayıt Dövlət Universiteti (SDU) ilə ABŞ-ın Yuta Ştatının Yuta Valli Universiteti arasında təcrübə mübadiləsinə başlanılıb. SDU-dan APA-ya verilən məlumata görə, universitetin rektoru, professor Nadir Qəhrəmanovun təşəbbüsü ilə ABŞ-ın Yuta Ştatının Yuta Valli Universitetinin tədris işləri üzrə prorektoru, professor Loretta Palmer SDU-nun professor-müəllim heyətinə mühazirə və seminarlar keçmək üçün dəvət edilib.
Təcrübə mübadiləsi ABŞ Dövlət Departamentinin “Fulbrayt” proqramı çərçivəsində reallaşdırılır. İki həftə ərzində davam edəcək təlim proqramında “Təhsilin qiymətləndirilməsi” mövzusunda silsilə xarakterli 6 mühazirə və seminar təşkil ediləcək.
Təlimlərin ilk günündəki çıxışı zamanı professor L.Palmer bildirib ki, mühazirə və seminarların məqsədi yeni təcrübələrin tətbiqinə yardım etmək, qarşılıqlı olaraq təcrübə mübadiləsini genişləndirməkdir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
