Qax. Vüqar Heydərov - APA. Qaxda məcburi köçkünlərin yaşadığı fermada yanğın olub.
Fövqəladə Hallar Nazirliyi (FHN) Qax rayon Dövlət Yanğından Mühafizə Hissəsindən (DYMH) APA-nın Şəki-Zaqatala bürosuna verilən məlumata görə, yanğın rayonun Tanqıt kənd inzibati ərazisində, Kəlbəcər rayonundan olan məcburi köçkünlərin məskunlaşdığı fermanın ərazisindəki ümumi sahəsi 700 kv/m olan mal damında baş verib.
Hadisə yerinə FHN-nin Qax rayon DYMH-nin iki, Şəki rayon DYMH-nin isə bir yanğınsöndürən maşını və şəxsi heyəti cəlb edilib.
Yanğın nəticəsində mal damının çardaq hissəsi tamamilə yanaraq yararsız hala düşüb.
Yanğınsöndürənləri səyi nəticəsində fermanın ərazisində 2 məcburi köçkün ailəsinin yaşadığı iki ev və 15 ailəyə məxsus iri və xırda buynuzlu mal-qara yanğından mühafizə edilib.
Faktla bağlı FHN-nin Qax rayon DYMH-də araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
