Bakı. Şəhriyar Əlizadə - APA. Bu gün Bakı Ağır Cinayətlər Məhkəməsində adam öldürməkdə təqsirləndirilən Vadim Naumovun cinayət işi üzrə məhkəmə prosesi yekunlaşıb.
APA-nın məlumatına görə, məhkəmənin hökmü ilə V.Naumov 17 il müddətinə azadlıqdan məhrum edilib.
Qeyd edək ki, hadisə ötən il sentyabrın 25-də Nərimanov rayonu Ağa Nemətulla küçəsi 23-də baş verib. Həmin ünvanın qarşısında daimi yaşayış yeri olmayan və küçələrdə tüfeyli həyat tərzi keçirən Vadim Naumov tanışı Rauf Hacıyevi boğaraq qətlə yetirib.
O, Cinayət Məcəlləsinin 120-ci (qəsdən adam öldürmə) maddəsinə əsasən ittiham edilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
