Bakı. Rüfət Əhmədzadə - APA. ABŞ prezidenti Barak Obama 2001-ci ilin 11 sentyabr hadisəsindən sonra Mərkəzi Kəşfiyyat İdarəsinin (MKİ) bir sıra işgəncələrə yol verdiyini etiraf edib.
APA-nın “Reuters”ə istinadən verdiyi məlumata görə, Senatda çıxış edən B. Obama bildirib ki, Amerika xüsusi xidmət orqanları o vaxt cəmiyyətin təzyiqlərinə görə çox sərt metodlara əl atıb.
“Biz bəzi dostları incitmişik. Elə şeylər etmişik ki, bizim dəyərlərimizə qarşıdır”, - deyən Obama bunun yeni terror hücumlarının qarşısını almaq üçün edildiyini də qeyd edib.
Xatırladaq ki, MKİ və Senat arasında bundan əvvəl kompyuterlərin izlənilməsi barədə qalmaqal yaranmışdı. Həmin kompyuterlər MKİ-nin təhqiqat zamanı işgəncələr verməsiylə əlaqədar Senatın yaratdığı xüsusi komissiyanın üzvlərinə məxsus olub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
