BANM-in tələbəsi “SOCAR-AQŞ”- nin təqaüdünü qazanıb - FOTO

BANM-in tələbəsi “SOCAR-AQŞ”- nin təqaüdünü qazanıb - <span style="color: red;">FOTO
# 30 sentyabr 2015 08:32 (UTC +04:00)

Bakı-APA. Bakı Ali Neft Məktəbinin “Neft-qaz mühəndisliyi” ixtisası üzrə təhsil alan IV kurs tələbəsi Eltun Sadıxov son iki semestr üzrə ən yaxşı nəticə göstərmiş beş tələbə arasından seçilərək “SOCAR-AQŞ” şirkətinin təqaüdünü qazanıb.

BANM-in ictimaiyyətlə əlaqələr şöbəsindən APA-ya bildirilib ki, “SOCAR-AQŞ” şirkətinin nümayəndələri tərəfindən keçirilən müsahibədə uğur qazanan Eltun Sadıxov bir tədris ili ərzində bu şirkətin təqaüdünü alacaq. Bununla bağlı öz təəssüratlarını bölüşən tələbə Eltun Sadıxov deyib ki, “SOCAR-AQŞ” kimi dünya standartlarına uyğun Azərbaycan şirkətlərindən birinin təqaüdünə layiq görülməsini çox böyük uğur hesab edir. “Çünki nə vaxtsa “SOCAR-AQŞ-nin təqaüdünə layiq görülmüşəm” dedikdə, bu, mənim haqqımda çox şey deyəcək. Digər tərəfdən, bu təqaüd növbəti iki ildə daha yaxşı çalışmağım üçün bir motivasiyadır” - deyə o, bildirir.

Qeyd edək ki, Eltun Sadıxov 2012-ci ildə 676 balla Bakı Ali Neft Məktəbinin “Neft-qaz mühəndisliyi” ixtisasına qəbul olub, həmin il Prezident təqaüdünə layıq görülüb. 2013-cü ilin mart ayında BANM-də keçirilən Tələbələrin Birinci Elmi Konfransında üçüncü yeri qazanıb. Eltun Sadıxov SOCAR-ın Təlim, Tədris və Sertifikatlaşdırma İdarəsində əsas neft və qaz sənayesinə aid təchizatlar üzrə təlimdə, “Dənizdə təhlükəsizlik” təlimində iştirak edib. O, SOCAR-ın “Azneft” İstehsalat Birliyinin “Neft Daşları” və “28 May” Neft və Qaz Çıxarma İdarəsində (NQÇİ) yay təcrübəsi keçib.

1 2 3 4 5 İDMAN XƏBƏR
#
#

ƏMƏLİYYAT İCRA OLUNUR