Bakı. Şəhriyar Əlizadə - APA. Bakı Apellasiya Məhkəməsində “Nida” Vətəndaş Hərəkatının üzvü Ömər Məmmədovun apelyasiya şikayətinə baxılıb.
APA-nın məlumatına görə, məhkəmə şikayəti təmin etməyib.
Qeyd edək ki, Ö. Məmmədov bu il yanvarın 30-da həbs edib. Bakı Ağır Cinayətlər Məhkəməsi hökmü ilə o, 5 il müddətinə azadlıqdan məhrumetmə cəzasına məhkum edilib.
O, Cinayət Məcəlləsinin 234.4.3-cü (külli miqdarda narkotik saxlama, gəzdirmə, satma) maddəsi ilə ittiham edilib.
Ö. Məmmədov həbs edilərkən VHP-nin üzvü olub, lakin sonradan partiya sırlarından istefa verib.