Bakı. Rəşad Süleymanov – APA. Azərbaycan Silahlı Qüvvələrinin nümayəndələri bir sıra beynəlxalq tədbirlərdə iştirak edəcəklər. Bu barədə APA-ya Müdafiə Nazirliyinin mətbuat xidmətindən məlumat verilib.
Fevralın 1-dən 22-dək Almaniyanın Qarmiş-Partenkirxen şəhərində “Regional təhlükəsizlik” mövzusunda seminar, fevralın 4-dən 15-dək Azərbaycan-Böyük Britaniya ikitərəfli əməkdaşlıq proqramına əsasən Çexiyanın Vışkov şəhərində Sülhü dəstəkləmə əməliyyatları üzrə təlimin hazırlanması və qiymətləndirilməsi kursu, fevralın 11-dən 15-dək Almaniyanın Oberamerqau şəhərində «Sahib ölkə dəstəyi kursu» keçiriləcək.
Azərbaycan hərbçiləri, həmçinin fevralın 11-dən 15-dək Ankarada “Kiber terrorizm sahəsində xəbərdar olma - siyasət və idarə etmə səviyyələri” kursuna, fevralın 11-dən 22-dək Almaniyanın Qarmiş-Partenkirxen şəhərində Dil testi seminarına qatılacaqlar.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
