Bakı. Məlahət Nəcəfova - APA. Bu gün Fransanın Azərbaycandakı səfirliyində Parisdə baş verən terror aktı qurbanlarını yad etmək üçün xatirə kitabı açılacaq.
Səfirliyin mətbuat xidmətindən APA-ya verilən məlumata görə, kitab bir həftə ərzində, saat 15.00-dan axsam saat 18.00-a qədər açıq olacaq. Azərbaycanın dövlət və hökumət nümayəndələri kitaba ürək sözlərini yazmaq üçün səfirliyə gedəcək.
Səfirlikdən həmçinin bildirilib ki, Parisdə baş verən hadisə ilə bağlı səfirlik təhlükəsizlik tədbirlərini gücləndirib.
Xatırladaq ki, Parisdə noyabrın 13-də törədilmiş silsilə terror aktları nəticəsində 129 nəfər ölüb, 352 nəfər yaralanıb, onlardan 99 nəfərinin vəziyyəti kritikdir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
