Bu barədə APA-ya Səudiyyə Ərəbistanının Azərbaycanda missiyası bitən səfiri Səid ibn Əli əl-Düsəri bildirib.
Onun sözlərinə görə, Səudiyyə Ərəbistanı həmişə Azərbaycanın ərazi bütövlüyünü dəstəkləyib: “Azərbaycanın işğal olunmuş torpaqlarının azad olunmasını beynəlxalq təşkilatlar dəstəkləyir. Güman edirəm ki, bu, eyni zamanda bir çox ərəb və İslam ölkələrinin mövqeyidir”.
Səudiyyə Ərəbistanının Şimali Qafqazda radikal qrupları maliyyələşdirməsi haqqında Rusiya mediasında səslənən iddialara münasibət bildirən diplomat qeyd edib ki, Səudiyyə Ərəbistanı həmişə terrorun, terrorçu və separatçı qrupların əleyhinə olub: “Biz sabitliyi, inkişafı, dialoqu dəstəkləyirik”.
İki ölkə arasında ticarət əlaqələrindən danışan səfir qeyd edib ki, qarşılıqlı ticarət dövriyyəsinin həcmi növbəti illərdə artacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
