Hadisə

Ana səhifə

Hadisə

Rusiya FHN: Dərbənddə vəziyyət stabilləşib

10 oktyabr 2012 09:50 (UTC +04:00)

Bu barədə APA-ya Rusiya Fövqəladə Hallar Nazirliyinin Dağıstan üzrə Baş İdarəsindən məlumat verilib. Şəhərə dolmuş su kütləsi artıq axıb, FHN əməkdaşları binaların zirzəmilərindən suyu boşaltmaqla məşğuldur. Xatırladaq ki, leysanla əlaqədar 320 ev su altında qalıb. Hazırda yolların selin gətirdiyi daşlar, qrunt və zibildən təmizlənməsi işi davam edir. Ümumilikdə bərpa işlərinə 557 nəfər və 86 texnika cəlb olunub. Təbii fəlakət nəticəsində 6 nəfər ölüb, onlardan biri azyaşlı uşaqdır.

Qeyd edək ki, dünən gecə Dərbəndə güclü leysan yağışları yağıb. Fəlakət bölgəsində 1120 nəfər, o cümlədən 280 uşaq qalıb. Bölgədə fövqəladə vəziyyət elan olunub.

Dərbənd