Bakı – APA. Azərbaycanın Cənubi Afrika Respublikası və Xorvatiyada fəaliyyət göstərən səfirliklərinin dəstəyi ilə CAR-ın “Azərbaycan Dostları” və Xorvatiyanın “Azərbaycan Dostluq Cəmiyyəti” adlı təşkilatlar arasında anlaşma memorandumu imzalanıb.
Azərbaycanın CAR-dakı səfirliyindən APA-ya verilən məlumata görə, yanvarın 31-də imzalanmış memorandumun imzalanmasında əsas məqsəd hər iki təşkilat arasında əlaqələrin intensiv inkişaf etdirməkdir.
Anlaşma Memorandumu Xorvatiya Dostluq İcmaları Birliyinin prezidenti Andriya Karafilipoviç və CAR-da Azərbaycan Dostları təşkilatının yaradıcılarından biri Ceyms Dey tərəfindən Zaqreb şəhərində imzalanıb.
Anlaşma memorandumu cəmiyyətlərlə Azərbaycan arasında olan əlaqələrdə əsas diqqəti aşağıdakı sahələrə yönəldəcək:
Ölkələrarası səfərlər
Elm, iqtisadiyyat, ticarət, texnologiya və mədəniyyət daxil olmaqla bir çox digər sahələr
Yerli hökumətlə əlaqələr
Sosial təminatlı fəaliyyət
Sahibkarlar, iş adamları, iqtisadçılar, müəllimlər, texnoloqlar, həkimlər, elm xadimləri, jurnalistlər, yazıçılar, incəsənət nümayəndələri və digər mütəxəssislərin səfərlərinin mübadiləsi
Nəşrlərin mübadiləsi və birgə nəşrlər
Akademik proqramların yaradılması
Təşkilatların fəaliyyəti və həmçinin Azərbaycanın yerli və beynəlxalq mediada təqdim edilməsi
Turizmin təqdimatı
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
