Bakı-APA. Pakistanın Pencab əyalətində ölkənin Hərbi-Hava Qüvvələrinə məxsus Fransa istehsalı olan “Dasso Miraj III” tipli qırıcı təlim təyyarəsi qəzaya uğrayıb. APA-nın “İTAR-TASS”a istinadən verdiyi xəbərə görə, qəza nəticəsində təyyarənin hər 2 pilotu həlak olub.
Pakistan Müdafiə Nazirliyinin rəsmi nümayəndəsinin açıqlamasına əsasən, təyyarə plan üzrə təlim uçuşu həyata keçirirmiş.
Hadisə yerində araşdırma aparılır. Qəzanın səbəbləri müəyyənləşdirilir.