Daxili siyasət

Daxili siyasət

Rəsul Quliyev lideri olduğu partiyanın rəhbərliyində baş verən dəyişikliklərə münasibət bildirib - MÜSAHİBƏ

Rəsul Quliyev lideri olduğu partiyanın rəhbərliyində baş verən dəyişikliklərə münasibət bildirib - <font color=red>MÜSAHİBƏ</font>

23 sentyabr 2009 15:36 (UTC +04:00)

Bakı. Elnur Məmmədli - APA. Açıq Cəmiyyət Partiyasının lideri Rəsul Quliyevin APA-ya müsahibəsi

- ACP Ali Məclisinin son iclasında partiyaya yeni sədr seçildi. Yeni sədrin fəaliyyətindən nə gözləyirsiniz?

- Hələlik konkret bir şey deyə bilmərəm. Hər halda partiyanın siyasi həyatda aktivləşəcəyinə ümid edirəm.

- Partiyada islahatlar olacaq?

- İslahat sonu heç vaxt olmayan bir prosesdir.

- ACP rəhbərliyində sədrlə bərabər, bir sıra dəyişikliklər oldu. Bu dəyişiklikləri zəruri edən səbəblər nədir? Köhnə rəhbərliyin fəaliyyəti Sizi qane etmirdimi?

- Məni özümün də fəaliyyətim qane etmir.

- Zəminə Dünyamalıyevanın partiyadan çıxarılması təşəbbüsünün Sizdən gəldiyi bildirilir. Bu doğrudurmu? Bu addımın atılmasının səbəb nədir?

- Zəminə xanım mənim hörmət etdiyim dörd-beş adamdan biridir. Mənə elə gəlir ki, o özü belə bir addımın atılmasını istəyirdi. Partiya fəaliyyətindən asılı olmayaraq, mənim Zəminə xanımla əlaqələrim davam edəcək. Partiyanın işlərinə çox qarışmağı xoşlamıram. O cümlədən Zəminə xanımla əlaqədar məsələyə də müdaxilə etmək istəməzdim.

- Zəminə Dünyamalıyeva partiyanın fəaliyyətinə xitam verilməsini tələb edirdi. Onun bu təklifini necə qiymətləndirirsiniz?

- Təkliflərə partiya baxır, qərarı da partiya qəbul edir.

- Partiya bələdiyyə seçkilərində iştirak etməmək qərarı verdi. Buna səbəb nədir və bu qərarı necə qiymətləndirirsiniz?

- Deyə bilmərəm.

- ACP bələdiyyə seçkilərində də Yeni Azərbaycan Partiyasının namizədlərini müdafiə edəcəkmi?

- Deyə bilmərəm.

- Bundan sonrakı mərhələdə partiya iqtidar, yoxsa müxalifət partiyaları ilə əməkdaşlığına üstünlük verəcək?

- Biz Azərbaycanın gələcəyi üçün həqiqətən çalışan və real potensiala malik olanlara, o cümlədən intellektual potensiala üstünlük verəcəyik.

ACP