Daxili siyasət

Ana səhifə

Daxili siyasət

Müsavat Partiyasının MNTK sədri: “Elnur Məmmədov Müsavatın Gənclər Təşkilatının sədri kimi qəbul oluna bilər”

06 avqust 2007 12:24 (UTC +04:00)

“Elnur Məmmədov Müsavat Partiyası Gənclər Təşkilatının sədri kimi qəbul oluna bilər”. Müsavat Partiyası Mərkəzi Nəzarət-Təftiş Komissiyasının (MNTK) sədri İbrahim İbrahimli APA-ya bildirib ki, Müsavat Partiyası Gənclər Təşkilatının martın 25-də keçirilən konfransında nizamnamədən kənar heç nə baş verməyib. Yalnız konfransa hazırlıq prosesində kiçik çatışmazlıqlar olub ki, bunu da şişirtməyə ehtiyac yoxdur. İ. İbrahimli konfransının nəticələrinin ləğv edilmədiyini də vurğulayıb: “Konfransın nəticələri ləğv edilməyib və bu məsələdə Elnur Məmmədov da haqlıdır, digər tərəf də. Burada problem yaradan məqam gənclərin son yaş həddinin 29-a salınması olub. Amma nəzərə alınmalıdır ki, konfrans qanun qəbul olunmazdan öncə keçirilib. Elnur Məmmədov bu mənada haqlıdır”. İ. İbrahimli konfransın yenidən keçirilməsinə səbəbin yaş həddi ilə bağlı olduğunu vurğulayıb. O, E. Məmmədovun hansısa qruplaşmada təmsil olunmadığını da diqqətə çatdırıb: “Müsavatda hansı qruplaşma var ki, Elnur da orada olsun? Bu, düzgün məntiq deyil və anlaşılmazlığı aradan qaldırmaq üçün bir qədər gözləmək lazımdır”. /APA/