Daxili siyasət

Ana səhifə

Daxili siyasət

Konqresmen Solomon Ortiz: “Azərbaycanı etibarlı müttəfiq kimi görürük”

07 avqust 2007 07:15 (UTC +04:00)

- Cənab Ortiz, son 20 gündə ABŞ Konqresinin müxtəlif komitə və alt komitələrində Azərbaycanla bağlı iki dinləmə olub. Çox qısa bir müddətə ərzində ölkəmizlə bağlı iki dinləmənin keçirilməsi təsadüfdür, yoxsa Konqresdə Azərbaycana qarşı işləyən qrup yaranıb?

- ABŞ-ın insan haqlarının müdafiəsi sahəsində böyük tarixi var. Azərbaycan bizim dostumuzdur. Lakin hərdən dostuna belə vacib məsələlərlə bağlı həqiqəti deməlisən. Hesab etmirəm ki, bu dinləmələri Azərbaycana qarşı işləyən konqresmenlərin əməlləri kimi qiymətləndirmək lazımdır. Səmimi dostlar belə addımlar atmır.

- Bir necə gün əvvəl daha bir konqresmen - Co Vilson Azərbaycanla bağlı işçi qrupun üzvü oldu. Artıq 20 konqresmen həmin qrupun üzvüdür. Deyə bilərsinizmi, konqresmenləri Azərbaycanla bağlı qrupa cəlb edən nədir?

- Azərbaycan strateji əhəmiyyətli nöqtədə yerləşir və İranla ümumi sərhədi var. Eyni zamanda azərbaycanlılar geosiyasi məqamlara həssasdır və dünyanın enerji tələbatını əla başa düşürlər. Amerika üçün çox vacibdir ki, İraq, İran və Əfqanıstanın yerləşdiyi regionda etibarlı dostu olsun.

- Azadlığı Müdafiə Aktına 907-ci düzəliş Azərbaycana birbaşa maliyyə yardımını qadağan edir. Prezident Buşun sərəncamı ilə həmin sənədin icrası dayandırılıb. Azərbaycanla bağlı işçi qrupun üzvlərinin artması qeyd olunan sənədin ləğvinə gətirib çıxara bilərmi?

- Azərbaycanla bağlı işçi qrupa qatılan konqresmenlər beynəlxalq aləmdə hər iki ölkənin maraqlarına cavab verən məsələlərdə ümumi maraqları müdafiə etməyə çalışırlar.

- 11 sentyabrdan etibarən Azərbaycan antiterror koalisiyasına qoşulandan sonra Konqresdə ölkəmizə münasibət necə dəyişib? Konqres üzvləri ABŞ-ın müttəfiqi ilə yaxından işləməyə həvəslidirlərmi?

- 11 sentyabr hadisələrindən sonra Amerika dünyaya başqa gözlə baxmağa başladı, dünyanın necə kiçik yer olduğunu anladı. Bu hadisədən sonra dünyada öz mövqeyimizi daha yaxşı müdafiə etmək və qorumaq üçün etibarlı müttəfiqlər axtarmağa başladıq. Bu baxımdan Azərbaycanı etibarlı müttəfiq kimi görürük. /APA/