Daxili siyasət

Ana səhifə

Daxili siyasət

Azərbaycan Milli QHT Forumu: “Nümayəndələr Palatası Xarici Əlaqələr Komitəsinin qərarı ABŞ-Azərbaycan münasibətlərinə də xələl gətirəcək”

11 oktyabr 2007 15:48 (UTC +04:00)

Azərbaycan Milli Qeyri-Hökumət Təşkilatları Forumu (MQHTF) ABŞ Nümayəndələr Palatasının Xarici Əlaqələr Komitəsində uydurma “erməni soyqırımı” haqqında qətnamə layihəsinin qəbul edilməsi ilə bağlı bəyanat yayıb. Qurumdan APA-ya daxil olan bəyanatda bildirilir ki, qətnamə layihəsinin qəbulu sıralarında 460 təşkilatı birləşdirən Milli Qeyri-Hökumət Təşkilatları Forumunun ciddi narazılığına və təəssüfünə səbəb olub: “Dünyada demokratiyanın, haqq və ədalətin dayağı kimi tanınan bir ölkənin qanunverici orqanının belə bir gözlənilməz, anlaşılmaz addım atması ABŞ-ın regiondakı və dünyadakı nüfuzuna vurulmuş zərbədir. Bu qətnamənin qəbulunun ABŞ-Türkiyə münasibətləri ilə bərabər ABŞ-Azərbaycan əlaqələrinə də xələl gətirəcəyi şübhə doğurmur. Çünki Ermənistanın bütün bəşəriyyətin gözü qarşısında, zaman baxımından daha yaxın olan və heç bir əlavə sübut tələb etməyən 26 fevral 1992-ci il tarixində törətdiyi Xocalı soyqırımı ilə əlaqədar Azərbaycan Milli Məclisinin etdiyi müraciətə ABŞ Konqresi tərəfindən heç bir reaksiya verilmədi. Guya 1915-ci ildə baş vermiş, əslində olmayan soyqırımın tanınması tələbi ilə çıxış edən işğalçı Ermənistan isə nəinki cəzalandırılmır, əksinə, onun əsassız iddiaları təmin olunur”. Forum ABŞ ictimaiyyətinə, Konqres və Senatın bütün üzvlərinə müraciət edərək onları ilk növbədə ABŞ-ın milli maraqlarına zidd olan və bütövlükdə regionda sülh və sabitliyə xələl gətirən bu qətnamə layihəsinin qəbuluna yol verməməyə çağırıb. /APA/