Daxili siyasət

Ana səhifə

Daxili siyasət

Bakıda “Avropa Birliyi və Avropa Şurasının insan haqları üzrə siyasəti: Avrointeqrasiya prosesləri çərçivəsində Azərbaycanın perspektivləri” adlı beynəlxalq konfrans işinə başlayıb

09 dekabr 2007 09:27 (UTC +04:00)

O. Azərbaycanda insan hüquqları sahəsində problemlər olduğunu, bunun həlli istiqamətində daim müzakirələrə ehtiyac duyulduğunu vurğulayıb.
Avropa Şurası baş katibinin xüsusi nümayəndəsi Denis Bribosia isə çıxışını Azərbaycanın beynəlxalq təşkilatlara inteqrasiyası perspektivləri üzərində qurub. O, istənilən ölkənin inteqrasiya prosesinin uzun və ağır yol olduğunu bildirib. Azərbaycanın Avropa Şurasına daxil olarkən öhdəliklər götürdüyünü xatırladan xüsusi nümayəndə bunların sırasında media azadlığı, insan hüquqlarının qorunması, “Alternativ xidmət haqqında” qanunun qəbulu, Seçki Məcəlləsinin modernləşdirilməsi, milli azlıqlarla bağlı siyasət, məhkəmə sistemində islahatlar aparılması, yerli özünüidarəetmə orqanları ilə bağlı qanunun qəbul edilməsi və s olduğunu xatırladıb. O, Azərbaycanda “Bələdiyyələr haqqında” qanunun hazırlanmasını müsbət hal kimi qiymətləndirib. D. Bribosia ölkədə medianın durumu ilə bağlı Avropa Şurasının baş katibi Terri Devisin son açıqlamasını xatırladaraq, qurumun media ilə bağlı vəziyyətdən narahatlığını ifadə edib.
Avropa Evinin Bakıdakı nümayəndəsi İndrid Gösinger isə çıxışında insan hüquqları ilə bağlı məsələnin bütün dünyada müzakirə edildiyini vurğulayıb. O bildirib ki, Avropa Birliyi 2008-ci il üçün “Demokratiyada Avropa vasitələri” adlı xüsusi 2 milyon avro dəyərində layihə hazırlayıb. Layihənin məzmunu insan hüquqları sahəsində Avropa təcrübəsini öyrənmək, bu sahə ilə bağlı çoxsaylı seminar-treninqlərin keçirilməsidir. İ. Gösinger Azərbaycanda insan haqları ilə məşğul olan QHT-ləri bu layihədə iştirak etməyə çağırıb.
Avropa Şurasının Azərbaycan üzrə həmməruzəçisi Andres Herkel isə çıxışını Azərbaycan dilində edib. O, ölkəmizdə insan haqları və media ilə bağlı vəziyyətdən narahatlığını ifadə edərək, islahatların aparılması üçün müzakirələrə ehtiyac olduğunu söyləyib.
ABŞ-ın Azərbaycandakı səfiri Enn Dersi isə çıxışını daha çox ölkəmizlə NATO arasındakı münasibətlərə həsr edib. Xanım səfir bunu ölkəsinin Avropa Birliyi və Avropa Şurasına üzv olmaması ilə əlaqələndirib. O, eyni zamana NATO-nun təkcə hərbi deyil, həm də insan haqlarını qoruyan, buna önəm verən təşkilat olduğunu söyləyib. E. Dersi Azərbaycanın Avrointeqrasiya yolu tutumasından çox məmnun olduqlarını, ölkənin demokratiya yolunda irəliləməklə bağlı siyasət seçməsinin düzgünlüyünü vurğulayıb. O, Heydər Əliyevin “Azərbaycanın yolu demokratiya yoludur” fikirlərindən sitat gətirib və prezident İlham Əliyevin bu yola sadiqliyini ifadə etməsindən məmnunluğunu vurğulayıb: “Biz Azərbaycanın siyasi seçimini dəstəkləyirik. İnanırıq ki, inteqrasiya Azərbaycanın müstəqilliyini və təhlükəsizliyini təmin edən ən yaxşı yoldur”.
Azərbaycanın İnsan Haqları üzrə Müvəkkili Elmira Süleymanova da tədbirdə çıxış edib və ölkəımizdə siyasi, iqtisadi islahatlar aparıldığını, məhkəmə sahəsində ötən illər ərzində baş verən irəliləyişlərdən danışıb. O, insan haqları sahəsində problemlər olduğunu söyləyərək, bununla bağlı mütəmadi müzakirələrin keçirildiyini, maarifləndirici iş aparıldığını, tədbirlər görüldüyünü bildirib. /APA/