Daxili siyasət

Ana səhifə

Daxili siyasət

Masallıda məntəqə seçki komissiyaları sədrləri üçün kurslar keçirilib

11 dekabr 2007 08:59 (UTC +04:00)

Masallıda 70 saylı Masallı şəhər, 71 saylı Masallı kənd və 72 saylı Yardımlı-Masallı dairə seçki komissiyaları üzrə fəaliyyət göstərən məntəqələrin sədrləri üçün 3 günlük ixtisaslaşdırılmış tədris kursları keçirilib. APA-nın cənub bürosunun məlumatına görə, 87 seçki məntəqəsi sədrinin qatıldığı tədbirdə Masallı Rayon Məhkəməsinin sədri Cahangir Nəsirovun “Azərbaycan Respublikası Konstitusiyası ilə verilən seçki hüquqları, Azərbaycan Respublikasının Seçki Məcəlləsi: əsas anlayış və prinsiplər, seçki hüququnun məhkəmə müdafiəsi”, Masallı Rayon İcra Hakimiyyəti (RİH) başçısı aparatının ictimai təşkilatlar və siyasi partiyalarla iş şöbəsinin müdiri Seyfəddin Əliyevin “Siyasi partiyaların və siyasi partiya bloklarının seçkilərdə (referendumda) iştirakının əsasları”, Masallı rayon prokuroru Rizvan Həsənovun “Seçki subyektləri, seçki hüquqlarının pozulmasına görə məsuliyyət nəzərdə tutan qanunvericilik sistemi və məsuliyyət növləri” mövzularında mühazirələri dinlənilib. Kurslarda həmçinin Mərkəzi Seçki Komissiyasının (MSK) nümayəndələrinin iştirakı ilə “Azərbaycan Respublikası Prezidentinin seçkilərinə hazırlıq, seçkilərin keçirilməsi və nəticələri”, “Seçkilərin hazırlığı və keçirilməsi zamanı yerli və xarici müşahidəçilərin hüquq və vəzifələri”, ”Seçkilərlə əlaqədar dairə və məntəqə seçki komissiyalarının vəzifələri və fəaliyyətlərinin qarşılıqlı təşkili” mövzularında mühazirələr oxunub və seminarlar təşkil edilib. Tədbir zamanı dinləyiciləri maraqlandıran suallar cavablandırılıb. /APA/