Daxili siyasət

Ana səhifə

Daxili siyasət

Sem Braunbek: “ABŞ-ın siyasətində iqtisadiyyat və diplomatiyaya daha çox üstünlük veriləcək”

20 fevral 2008 15:14 (UTC +04:00)

APA-nın məlumatına görə, terrorçuluqla mübarizədən danışan S. Braunbek ABŞ-ın PKK-nı terror təşkilatı kimi tanıdığını bildirib: “Biz bu cür təşkilatlara maliyyə axınını dayandırmaq üçün hər şeyi etməliyik. ABŞ-ın bu məsələdə mövqeyi aydındır - terrorçuluqla hər yerdə eyni cür mübarizə aparmaq lazımdır”. Senator ABŞ-ın terrorçuluğa qarşı olan bütün dövlətlərlə, o cümlədən PKK məsələsi ilə bağlı Türkiyə ilə əməkdaşlığı davam etdirəcəyini söyləyib. S. Braunbek Azərbaycanın yaxın qonşusu İranın terrorçu təşkilatlara sponsorluq etdiyini, bunun hamı üçün təhlükəli olduğunu vurğulayıb. ABŞ-ın xarici siyasətinə toxunan senator qeyd edib ki, bundan sonra Vaşinqtonun siyasətində iqtisadiyyat və diplomatiyaya daha çox üstünlük veriləcək. O razılaşıb ki, İraqdakı problemin həlli üçün hərbi deyil, siyasi qərarlar verilməlidir: “Bu məsələ siyasi yolla həll olunmalıdır, amma bu, böyük iş tələb edir”. ABŞ prezidentliyinə namizədlərdən kimin Azərbaycan üçün daha sərfəli olduğuna dair sualı cavablandıran S. Braunbek əvvəlcə zarafatyana “əlbəttə ki, mən” desə də, sonradan əlavə edib: “Mən Con Makkeynin güclü xarici siyasət yeridəcəyinə inanıram. Hesab edirəm ki, indiki namizədlərin içində xarici siyasətdə real təcrübəyə malik yeganə şəxs odur”.