Daxili siyasət

Ana səhifə

Daxili siyasət

Xarici Ölkələrdə Yaşayan Azərbaycanlılarla İş üzrə Dövlət Komitəsi Heydər Əliyevin 85 illiyi münasibətilə tədbirlər planı hazırlayıb

06 may 2008 12:08 (UTC +04:00)

Bakı. Məhbubə Qasımbəyli-APA. Xarici Ölkələrdə Yaşayan Azərbaycanlılarla İş üzrə Dövlət Komitəsi Heydər Əliyevin 85 illik yubileyi ilə bağlı tədbirlər planı hazırlayıb. Komitənin mətbuat xidmətindən APA-ya verilən məlumata görə, mayın 10-da Ankarada yubileyə həsr olunan konfrans və Türkiyə Azərbaycan Dərnəkləri Federasiyasının ofisinin açılış mərasimi, mayın 13-də Adanada yubiley konserti, mayın 14-də Ceyhan şəhərində Heydər Əliyev Muzeyinin açılışı və konsert proqramı keçiriləcək. Beynəlxalq Niaqara Festivalı çərçivəsində Kanadanın Niaqara şəhərində heykəltəraş Ömər Eldarovun hazırladığı H. Əliyevin büstünün açılışı, mayın 15-də isə Toronto şəhərində Kanada Azərbaycanlıları Alyansının təşkilatçılığı ilə H. Əliyevin 85 illik yubileyinə həsr olunmuş toplantı olacaq. Bundan başqa, İsrailin Tel-Əviv şəhərində, Hollandiyanın Rotterdam, Amsterdam şəhərlərində, Almaniyanın Berlin şəhərində də bir neçə tədbirin keçirilməsi gözlənilir. Mayın 11-də Vaşinqton şəhərində “Azeris Network” şəbəkəsi ilə Azərbaycanın ABŞ-dakı səfirliyinin birgə forum keçirməsi planlaşdırılıb. Daha sonra Nyu-York, Los-Anceles, Hyuston, Buxarest, Praqa, Tallin, Riqa, Moskva, Kiyev, Daşkənd, Astana, Bişkek, Düşənbə, Dubay şəhərlərində, Gürcüstanın Marneuli rayonunda yubiley tədbirləri təşkil olunacaq.