Daxili siyasət

Ana səhifə

Daxili siyasət

Ukraynanın “Saqa” turist şirkəti Dağlıq Qarabağı Ermənistanın tərkib hissəsi hesab edir

16 may 2008 11:12 (UTC +04:00)

Bundan başqa “Ermənistan tarixi” bölməsində 1988-ci il Sumqayıt hadisələri barədə təhrif olunmuş məlumatlar yerləşdirilib. Mətndə qeyd olunur ki, “Dağlıq Qarabağda yaranmış gərginlik azərbaycanlı millətçilərin Sumqayıtda qanlı hadisələr törətməsinə gətirib çıxarıb”. Materialda bildirilir ki, Ermənistanın tarixi torpaqlarının böyük bir hissəsi, o cümlədən Ağrı dağı hazırda Türkiyə ərazisində yerləşir və İrəvan bu torpaqlara iddiasından heç zaman geri çəkilməyib. Müəlliflər 1915-ci ildə Osmanlı İmperiyası dövründə baş verən hadisələrə də toxunublar. Onların fikrincə, 1915-ci ildə Türkiyədə ermənilərə qarşı “soyqırımı” törədilib: “Gənc türklər hərəkatının rəhbərləri hesab edirdilər ki, ermənilər xristian olduqlarına görə, müharibə zamanı Rusiyanın tərəfinə keçəcəklər, buna görə də onlar ermənilər qırmağa və deportasiya etməyə üstünlük vermişlər. Nəticədə təqribən 1-2 milyon erməni türklər tərəfindən öldürülüb”. Maraqlıdır ki, turist şirkətinin saytında ümumiyyətlə Azərbaycana dair bölmə mövcud deyil. Bu məsələ ilə əlaqədar APA-ya açıqlama verən Azərbaycan Xarici İşlər Nazirliyinin mətbuat katibi Xəzər İbrahim Ukraynanın “Saqa” turist şirkətinin rəsmi saytında Dağlıq Qarabağın Ermənistanın tərkib hissəsi kimi təqdim olunmasına dair anlaşılmazlığı araşdırmaq üçün Ukraynada səfirliyimizə təlimat veriləcəyini deyib. O bildirib ki, şirkətdən Azərbaycanla bağlı yanlış materialların saytdan çıxarılması tələb olunacaq.