Daxili siyasət

Ana səhifə

Daxili siyasət

Venesiya Komissiyasının təmsilçisi: “Yeni qanunda sərbəst toplaşmaq azadlığının vətəndaşlığı olmayan əcnəbilərə də şamil edilməsi alqışlanmalıdır” - EKSKLÜZİV

19 may 2008 13:29 (UTC +04:00)

Bu açıqlamanı APA-ya Avropa Şurası Venesiya Komissiyasının Konstitusiya əməkdaşlığı diviziyasının rəhbəri Simona Qranata-Menqini verib. O, sərbəst toplaşmaq azadlığı hüququnun tənzimlənməsi zamanı hakimiyyət orqanlarının hər hansı individual qruplara qarşı ayrı-seçkilik etməsini yolverilməz sayıb: “İrqindən, rəngindən, cinsindən, dilindən, dinindən siyasi mövqeyindən, milli və ya sosial statusundan asılı olmayaraq, bu zaman heç kəsə ayrı-seçkilik edilməməlidir. Fərdlər kimi, korporativ təşkilatlara, azlıqların nümayəndələrinə, vətəndaşlığı olmayan insanlara, o cümlədən qaçqınlara, xarici vətəndaşlara, miqrant və turistlərə, qadın və kişilərə sərbəst toplaşmaq azadlığı verilməlidir”. Azərbaycanın “Sərbəst toplaşmaq haqqında” qanununda vətəndaşlığı olmayan və digər millətlərin nümayəndələrinə də sərbəst toplaşmaq azadlığı verilməsi haqqında dəyişikliyə münasibət bildirən Simona Qranata-Menqini bu addımı alqışlayıb: “Yeni qanunun yalnız Azərbaycan vətəndaşlarına şamil edilməməsini yalnız alqışlamaq olar”.