Daxili siyasət

Ana səhifə

Daxili siyasət

Prezident İlham Əliyev Azərbaycan-Rumıniya hökumətlərarası komissiyasının Azərbaycan tərəfdən yeni tərkibini təsdiqləyib

23 may 2008 16:40 (UTC +04:00)

Bakı. Elbrus Seyfullayev - APA. Prezident İlham Əliyev Azərbaycan və Rumıniya hökumətləri arasında ticarət-iqtisadi əlaqələr və elmi-texniki əməkdaşlıq üzrə müştərək komissiyanın Azərbaycan tərəfdən yeni tərkibinin təsdiq edilməsi haqqında
sərəncam imzalayıb. Prezidentin mətbuat xidmətindən APA-ya daxil olan məlumata görə, baş nazirin 1-ci müavini Yaqub Eyyubov komissiyanın həmsədri, Nazirlər Kabineti Aparatının xarici iqtisadi əlaqələr şöbəsinin müdiri Ağadayı Ağayev isə məsul katibi təyin olunub. Komissiyaya sənaye və energetika naziri Natiq Əliyev, xarici işlər nazirinin müavini Xələf Xələfov, iqtisadi inkişaf nazirinin müavini Niyazi Səfərov, nəqliyyat nazirinin müavini Musa Pənahov, kənd təsərrüfatı nazirinin müavini İlham Quliyev,
mədəniyyət və turizm nazirinin müavini Teymur Mehdiyev, təhsil nazirinin müavini İsgəndər İsgəndərov, səhiyyə nazirinin müavini Sənan Kərimov, Azərbaycan Respublikası Dövlət Neft Şirkətinin prezidenti Rövnəq Abdullayev, Milli Bankın İdarə Heyəti sədrinin müavini Vadim Xubanov və Azərbaycanın Rumıniyadakı fövqəladə və səlahiyyətli səfiri Eldar Həsənov daxildir.