Bakı – APA. ABŞ konqresmenləri, senatorları, ayrı-ayrı ştatların qubernatorları, yüksək vəzifəli şəxsləri İlham Əliyevi yenidən Azərbaycan prezidenti seçilməsi münasibətilə təbrik ediblər.
APA-nın xəbərinə görə, Nümayəndələr Palatasının üzvü Ted Poe təbrik məktubunda Azərbaycanla ABŞ arasında güclü tərəfdaşlığın mövcud olduğunu vurğulayaraq yazır: “Sizi və xalqınızı ABŞ-la birgə Əfqanıstan və İraqda həyata keçirilən sülhməramlı əməliyyatlar münasibətilə də təbrik etmək istəyirəm”.
Azərbaycanla ABŞ-ı bir çox sıx əlaqələrin birləşdirdiyini deyən T.Poe ölkəmizin enerji layihələrində oynadığı roldan məmnun olduğunu bildirib: “Siz Azərbaycanın enerji sənayesində dünyadakı mühüm rolunu günüdən-günə genişləndirirsiniz. Mən Sizin Azərbaycan xalqının rifahı üçün etdiklərinizi yüksək qiymətləndirirəm. Azərbaycanda bu gün azadlıq hökm sürür. Sizin prezidentliyinizin növbəti dövründə Azərbaycanın ABŞ-ın sadiq dostu olaraq qalacağına inanıram”.
ABŞ-ın Texas Ştatından olan Nümayəndələr Palatasının üzvü Pete Olso və Nyu-York Assambleyasının üzvü Aleks Brukrestliy də İlham Əliyevi yenidən Azərbaycan prezidenti seçilməsi münasibətilə təbrik edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
