Bakı. Anaxanım Hidayətova - APA. “Hesab edirəm ki, prezidentliyə namizədlərin seçkiqabağı debatları kifayət qədər fəal şəkildə keçdi”. APA-nın xəbərinə görə, bunu MDB Parlamentlərarası Assambleyasının baş katibi Aleksey Sergeyev deyib.
O qeyd edib ki, MDB PA seçki məntəqələrinin birində səsvermə prosesinin açılışında iştirak edib: “MDB PA-nın beynəlxalq müşahidəçilər qrupunun üzvləri ölkə boyu onlarla seçki məntəqəsində müşahidə aparırlar. Prezident seçkilərinə hazırlıq çox yüksək səviyyədə təşkil olunub”.
Qeyd edək ki, MDB PA-nın beynəlxalq müşahidəçilər qrupuna 30 nəfər daxildir. Qrupun koordinatoru Rusiya Dövlət Dumasının MDB, Avrasiya inteqrasiyası və xaricdə yaşayan soydaşlarla əlaqələr komitəsinin sədri Leonid Slutskidir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
