Mingəçevir. Elvin Yaqubov - APA. Mingəçevir şəhərində, Göyçay, Ağdaş və Qəbələ rayonlarında səsverməyə start verilib.
APA-nın məlumatına görə, bu şəhər və rayonlarda fəaliyyət göstərən 5 seçki dairəsi üzrə 199 seçki məntəqəsi səhər saat 8:00-da öz qapılarını seçicilərin üzünə açıb.
Səsvermənin azad, demokratik və şəffaf keçməsi üçün bütün seçki məntəqələrində lazımi şərait yaradılıb, seçki məntəqələri zəruri texniki vasitələrlə, o cümlədən mürəkkəb balonları və ultrabənövşəyi lampalarla təchiz edilib. Bölgə üzrə 5 seçki dairəsinin 49 seçki məntəqəsində veb-kameralar quraşdırılıb. Məntəqələrdə səsvermənin gedişini müxtəlif siyasi partiyaları və qeyri-hökumət təşkilatlarını təmsil edən 1559 nəfər yerli, habelə ATƏT DTİHB və MDB PA kimi nüfuzlu beynəlxalq təşkilatlardan 15-dən artıq beynəlxalq müşahidəçi izləyir.
Dairə seçki komissiyalarından APA-ya verilən məlumata görə, ilk saatlardan etibarən bölgə seçiciləri ölkə üçün mühüm əhəmiyyət daşıyan bu siyasi kampaniyada çox fəal iştirak edirlər.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
