Bakı. Gülnar Bəşirova - APA. İnsan Hüquqları üzrə Müvəkkil Elmira Süleymanovanın təşəbbüsü ilə bu il də keçirilən “Sülh aylığı” davam edir.
Ombudsman Aparatının mətbuat xidmətindən APA-ya verilən məlumata görə, Ombudsman 21 sentyabr – Beynəlxalq Sülh günü münasibətilə keçirilən həmin aylıqla əlaqədar dövlət qurumlarına müvafiq tədbirlərin keçirilməsi ilə bağlı müraciət edib. Sülh aylığı çərçivəsində silsilə tədbirlərin təşkili, əhali ilə yerlərdə görüşlərin keçirilməsi, geniş maarifləndirmə işi aparılması ilə bağlı Ombudsman Gəncə, Şəki, Quba və Cəlilabad regional mərkəzlərinin əməkdaşlarına da tövsiyələr verib. Bu günlərdə həmin aylıq çərçivəsində Fövqəladə Hallar Nazirliyi (FHN) «Qloballaşan dünyada sülh siyasəti» mövzusunda dəyirmi masa keçirib.
Avqustun 21-dən başlanan aylıq sentyabrın 21-dək davam edəcək.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
