Bakı. Aqşin Rafiqoğlu – APA-Economics. Azərbaycanda sahibkarlıq fəaliyyətinə süni müdaxilələrin aradan qaldırılması üçün mühüm addımlar atılıb. «APA-Economics»in məlumatına görə, bunu bu gün Bakıda «Sahibkarlığın Azərbaycan iqtisadiyyatdakı rolu: nailiyyətlər və perspektivlər» mövzusunda keçirilən tədbirdə vergilər nazirinin müavini Sahir Məmmədxanov bildirib.
Onun sözlərinə görə, 2008-ci ildə sahibkarlıq subyektlərinin qeydiyyata alınması bir pəncərə prinsipi ilə yerinə yetirilir: «Təkcə 2008-2013-ci illərdə 340 minə yaxın sahibkarlıq subyekti qeydiyyata alınıb».
O bildirib ki, fərdi sahibkarlığın qeydiyyatı prosesi elektronlaşdırılaraq 2 gün müddətindən bir neçə dəqiqəyə qədər azaldılıb. Elektron qeydiyyat təcrübəsinin həyata keçirilməsinə başladıldığı 2012-ci ildən bu günə qədər 52,4% artaraq ümumi qeydə alınanların 54%-ni təşkil edib.
S.Məmmədxanov deyib ki, bu tədbirlər planı vaxtında və tapşırığa uyğun davam etdirilməkdədir.
Qeyd edək ki, «Ölkə iqtisadiyyatının inkişafında sahibkarlığın rolu: nailiyyətlər və perspektivlər» mövzusunda keçirilən tədbirin təşkilatçıları İqtisadiyyat və Sənaye Nazirliyi və Azərbaycan Sahibkarlar Konfederasiyasıdır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
