Bakı - APA-Economics. "Moody's" beynəlxalq reytinq agentliyi Çinin kredit reytinqi üzrə proqnozunu stabildən neqativə endirib.
"APA-Economics" "İnterfax" agentliyinə istinadən xəbər verir ki, "Moody's" ölkənin artan xarici dövlət borcu ilə bağlı risklərə işarə edib.
Agentlik Çinin uzunmüddətli reytinqini "Aa3" səviyyəsində təsdiq edib. Bununla yanaşı, "Moody's" bildirib ki, ölkənin inkişaf tempinin qorunmasına yönəlmiş müvafiq islahatların aparılmayacağı təqdirdə reytinq aşağı salınacaq.
"Moody's" qeyd edir ki, Çinin dövlət borcunun ÜDM-də payı 40,6%-ə çatıb və 2017-ci ildə bu rəqəm 43%-ə çata bilər. Ölkənin valyuta ehtiyatları 762 mlrd. dollar azalıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
