Digər xəbərlər

Ana səhifə

Digər xəbərlər

Ermənistan Silahlı Qüvvələri Azərbaycan Ordusunun mövqelərini atəşə tutub

05 may 2008 07:30 (UTC +04:00)

Dağlıq Qarabağ. Məhbubə Qasımbəyli - APA. Ermənistan Silahlı Qüvvələrinin bölmələri mayın 4-də saat 08.30-dan 21.50-dək fasilələrlə Ermənistanın Berd rayonunun Çinari kəndi sahəsindəki və Noyemberyan rayonu ərazisindəki adsız yüksəkliklərdə yerləşən mövqelərindən Azərbaycan Silahlı Qüvvələrinin Tovuz və Qazax rayonları sahəsində yerləşən mövqelərini, saat 16.00-dan mayın 5-i saat 01.10-dək ara-sıra Xocavənd rayonu ərazisində adsız yüksəkliklərdə və Kuropatkino kəndində yerləşən mövqelərindən, saat 16.40-dan 16.50-dək Goranboy rayonunun Tapqaraqoyunlu kəndi yaxınlığında yerləşən mövqelərindən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutub. Müdafiə Nazirliyinin mətbuat xidmətindən APA-ya verilən məlumata görə, bütün hallarda düşmən cavab atəşi ilə susdurulub, itki yoxdur.