Digər xəbərlər

Ana səhifə

Digər xəbərlər

Ermənistan Silahlı Qüvvələri növbəti dəfə Azərbaycan Ordusunun mövqelərini atəşə tutub

17 may 2008 08:03 (UTC +04:00)

Müdafiə Nazirliyinin mətbuat xidmətindən APA-ya verilən məlumata görə, düşmən hərbi bölmələri mayın 16-dan saat 11:50-dən 18:05-dək fasilələrlə Ermənistanın Berd rayonunun ərazisindəki adsız yüksəkliklərdə, Çinari və Mosesqex kəndləri ərazisindəki mövqelərindən Azərbaycan Ordusunun Tovuz rayonu ərazisindəki adsız yüksəkliklərdən Koxa Nəbi, Ağdam və Əlibəyli kəndlərindəki mövqelərini atəşə tutublar. Həmçinin Ermənistan Silahlı Qüvvələri saat 19:15-dən 19:40-dək Goranboy rayonunun Tapqaraqoyunlu kəndi yaxınlığında yerləşən mövqelərindən Azərbaycan Ordusunun üzbəüz mövqelərini avtomat və pulemyotlardan atəşə tutublar. Bütün hallarda düşmən cavab atəşi ilə susdurulub, itki yoxdur.