Digər xəbərlər

Ana səhifə

Digər xəbərlər

Daha bir neçə Rusiya şirkətinin saytında Dağlıq Qarabağ müstəqil dövlət kimi təqdim olunur

09 iyun 2008 09:05 (UTC +04:00)

Bakı. Zaur Nurməmmədov - APA. APA İnformasiya Agentliyi Azərbaycanın Dağlıq Qarabağ bölgəsini müstəqil dövlət, yaxud Ermənistanın tərkib hissəsi kimi təqdim edən şirkətləri araşdıraraq üzə çıxarmaqda davam edir. Rusiyanın “Rosfoto” foto bankının saytında Dağlıq Qarabağ Ermənistanın tərkib hissəsi kimi göstərilib. Dadivank monastrının məbədlərinin birinin fotosunun altında qeyd olunur ki, “Bu, Dağlıq Qarabağın tərkib hissəsi olduğu Ermənistan ərazisində ən qədim monastırdır” (http://www.rosfoto.ru/shop/photo/59076). Bundan başqa fotoşəkillərin çəkilişi, dərci və saxlanması ilə məşğul olan “STRİM” internet-layihəsi də Dağlıq Qarabağı müstəqil dövlət kimi təqdim edib. Saytda Azərbaycanın işğal altında olan Dağlıq Qarabağ bölgəsindən şəkillər yerləşdirilib. Şəkillərdən biri Qarabağ müharibəsində dağıdılmış binalardan birinin şəklidir (http://streamphoto.ru/users/Patker/230516/01a688cdf111cb527342809e0c0dff38). Şəkilaltı mətndə bildirilir ki, “bu bina Dağlıq Qarabağ Respublikasının paytaxtı Stepanakert şəhərinin mərkəzində yerləşir. Binanın bir hissəsi Azərbaycan aviasiyasının hücumları nəticəsində darmadağın edilib, amma binanın fasadı bərpa olunur”. Bundan başqa bayraq və vımpellərin istehsalı ilə məşğul olan Rusiyanın “Zolotaya korona” şirkətinin saytında da Dağlıq Qarabağ müstəqil dövlət kimi təqdim olunub - http://www.goldenkorona.ru/aksesuari.htm.

Dağlıq_Qarabağ_sayt