Fövqəladə Hallar Nazirliyinin "112" qaynar telefon xəttinə Ucar rayonun Rəstəcə kəndində suvarma kanalında 1 nəfərin batması barədə məlumat daxil olub.
APA FHN-ə istinadən xəbər verir ki, məlumatla əlaqədar Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu çağırış üzrə cəlb olunub.
Həyata keçirilən tədbirlər nəticəsində Qazyan arxının Ucar rayonu, Rəstəcə kəndi ərazisindən keçən hissəsində batmış 2010-cu il təvəllüdlü Əlisafa Hacıyevin meyiti FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıcları tərəfindən suda tapılıb çıxarılaraq aidiyyəti üzrə təhvil verilib.
Hadisə ilə əlaqədar müvafiq qurumlar tərəfindən araşdırma aparılır.
***
11.26
Ucarda kanalda batan yeniyetmənin meyiti tapılıb.
APA-nın yerli bürosunun xəbərinə görə, Ucar şəhər sakini 2010-cu il təvəllüdlü Ə.Hacıyevin meyiti FHN-nin xilasediciləri tərəfindən sudan çıxarıllb.
***
09.19
Ucarda yeniyetmə kanalda batıb.
APA-nın yerli bürosunun xəbərinə görə, Ucar şəhər sakini, 2010-cu il təvəllüdlü Ə.Hacıyevin rayonun Rəstəcə kəndindən keçən su kanalında batdığı ehtimal olunur.
Gecə saatlarından etibarən kanalda axtarışlar aparılır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
