Bakı-APA. Krımda yerləşən hərbi texnikanın Ukraynaya təhvil verilməsi prosesi dayandırılıb.
APA-nın məlumatına görə, bunu “RİA Novosti”yə açıqlamasında Sevastopol qubernatorunun səlahiyyətlərini icra edən Sergey Menyaylo deyib.
Onun sözlərinə görə, təhvil-təslim prosesi Kiyevin istəyi ilə dayandırılıb.
“Ukrayna Müdafiə Nazirliyinin Krımdakı nümayəndələri geri qayıdırlar. Onlar bunu Ukrayna Milli Təhlükəsizlik və Müdafiə Şurasının Rusiya ilə hərbi-texniki əməkdaşlığının dayandırılması haqda qərarı ilə əsaslandırırlar”, - deyə o vurğulayıb.