Bakı. Rəşad Süleymanov - APA. Belçikanın paytaxtı Brüsseldə bu gün və sabah keçiriləcək qeyri-NATO müdafiə nazirlərinin toplantısı çərçivəsində Azərbaycan və Gürcüstan müdafiə nazirlərinin görüşü planlaşdırılır.
APA-nın Gürcüstan Müdafiə Nazirliyinin saytına istinadən verdiyi məlumata görə, iclasa qatılan Gürcüstanın müdafiə naziri İrakli Alasaniyanın Azərbaycan, Norveç və Əfqanıstandan olan həmkarları ilə görüşü nəzərdə tutulur.
NATO-ya üzv və qeyri-üzv ölkələrdən müdafiə nazirlərinin iştirakı ilə keçirilən iclasda Əfqanıstanda aparılan əməliyyatlarının gedişatı, 2014-cü ildən sonra NATO-nun Əfqanıstanda həyata keçirəcəyi Qətiyyətli Dəstək missiyasının planlaşdırılması prosesi və digər cari məsələlər müzakirə olunacaq.