İstanbul. Rəşad Süleymanov – APA. İstanbulda keçirilən İDEF-2013 beynəlxalq müdafiə sərgisi çərçivəsində Azərbaycan Müdafiə Sənayesi Nazirliyinin (MSN) nümayiş etdirdiyi məlumatlar böyük maraqla qarşılanıb. APA-nın sərgidə iştirak edən əməkdaşının verdiyi məlumata görə, sərginin ikinci günü Azərbaycan stendinə çoxsaylı ziyarətçi baş çəkib.
Xarici hərbçilərə və ziyarətçilərə Azərbaycan istehsalı olan məhsullar barədə məlumatlar verilib.
Sərgidə nümayiş etdirilən «İstiqlal-T» iri çaplı, həmçinin 12.7 və 7.62 mm çaplı snayper tüfəngləri, əl pulemyotları maraqla qarşılanıb.