Bakı. Rəşad Süleymanov – APA. Azərbaycan sərhədçiləri tərəfindən yanvar ayında dövlət sərhədlərini pozduqlarına görə 31 halda 40 nəfər saxlanılıb. Bu barədə APA-ya Dövlət Sərhəd Xidmətinin (DSX) mətbuat mərkəzindən məlumat verilib. Saxlanılanlardan 22 nəfəri Azərbaycan, 4 nəfəri Özbəkistan, 3 nəfəri Tacikistan, 2 nəfəri İran, 2 nəfəri Malaziya, 2 nəfəri Pakistan, 2 nəfəri Əfqanıstan, 3 nəfəri digər ölkələrin vətəndaşları olub.
Yanvar ayında sərhəd rejimi qaydalarını pozduqlarına görə 42 halda 57 nəfər saxlanılaraq barələrində müvafiq tədbirlər görülüb.
Cinayətkarlığa qarşı mübarizə tədbirləri çərçivəsində hüquq-mühafizə orqanları tərəfindən axtarışda olan 177 nəfər saxlanılaraq aidiyyəti orqanlara təhvil verilib.
Qaçaqmalçılıq fəaliyyətinə qarşı mübarizə nəticəsində 41 halda ümumi dəyəri təqribən 1 milyon 54 min manat olan qaçaqmal tutulub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
