Bakı. Kəmalə Quliyeva-APA. Azərbaycan ərazisində anomal hava şəraiti davam edir. Ekologiya və Təbii Sərvətlər Nazirliyinin (ETSN) Milli Hidrometeorologiya Departamentinin Hidrometeoroloji Proqnozlar Bürosunun direktor müavini Gülşad Məmmədovanın APA-ya verdiyi xəbərə görə, dünən və bu gün Bakıda və Abşeron yarımadasına isə düşən yağıntının miqdarı 1-8 mm təşkil edib.
Şamaxı Regional Meteoroloji Stansiyasının məlumatına əsasən, aprelin 17-də gecə saat 05:00 radələrindən başlayaraq Şamaxı və onun ətraf ərazilərində aramsız yağıntılar düşüb, bəzi yerlərə sulu qar, dəniz səviyyəsindən 1000 metrdən hündürdə yerləşən ərazilərə isə qar yağıb. Qarın qalınlığı 1-2 sm təşkil edib, çaylarda sululuq artıb.
Yağıntılar nəticəsində əmələ gəlmiş qar örtüyünün hündürlüyü Xınalıqda 18 sm, Sarıbaşda 8 sm, İlisuda 6 sm, Kişçayda 3 sm, Gədəbəydə 1 sm, Qubanın dağlıq ərazilərində 10-15 sm təşkil edib.
Anomal hava şəraiti güclü küləklərlə də müşayiət olunur. Şimal-qərb küləyi Biləsuvarda 22 m/s, Gəncədə 20 m/s, Tərtərdə 18 m/s, Şəmkir və Naftalanda 16 m/s, Abşeron yarımadasında və Abşeron dəniz rayonunda 15-18 m/s-dək güclənib, Neft Daşları stansiyasının məlumatına əsasən dalğanın hündürlüyü 2.5 metrə çatıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
