Xaçmaz. Vəli Turan – APA. Bu gün gecə saatlarında Xaçmaz rayonunda 2 nəfərin ölümü nəticələnən yol nəqliyyat hadisəsi baş verib.
APA-nın şimal bürosunun verdiyi məlumata görə, hadisə Quba-Xaçmaz yolunun rayonunun Yergüc kəndi ərazisindən keçən hissəsində qeydə alınıb.
Xaçmaz rayonu Yergüc kənd sakini, 1984-cü il təvəllüdlü Həmidov Dəyanət Nüsrəddin oğlunun idarə etdiyi “Vaz 21 09” markalı avtomobil Qubadan Xaçmaz istiqamətində hərəkətdə olarkən idarəetməni itirərək ağaca çırpılıb.
Nəticədə sürücü və sərnişin, 1985-ci il təvəllüdlü Xudat şəhər sakini Lednejova Pərvanə Tehran qızı hadisə yerində dünyasını dəyişib. Qəzanın yüksək sürət səbəbindən baş verdiyi bildirilir.
Faktla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
