Bakı. Şəhriyar Əlizadə - APA. Bakı Ağır Cinayətlər Məhkəməsində quldurluq və digər cinayətlərdə təqsirləndirilən Saday İsmayılov və Vaqif İbadovun cinayət işi üzrə məhkəmə prosesi başa çatıb.
APA-nın məlumatına görə, prosesdə hökm oxunub. Hökmə əsasən, S. İsmayılov 12,5 il, V. İbadov isə 13,5 il müddətinə azadlıqdan məhrum edilib.
İttiham aktına görə, hər iki şəxs Əli Məmmədovu hədələyərək 120 min manatını alıblar.
Məlumata görə, S. İsmayılov güləş üzrə dünya çempionu adına layiq görülüb, Azərbaycan Güləş Federasiyasının idman işləri üzrə şöbə müdiri olub.
Sözügedən şəxslər Cinayət Məcəlləsinin 145-ci (qanunsuz azadlıqdan məhrum etmə), 181-ci (quldurluq) və 182-ci (hədə-qorxu ilə tələb etmə) maddələri ilə ittiham ediliblər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
