Qadın hüquqları mövzusunda dəyirmi masa keçirilib
01 mart 2012 10:35 (UTC +04:00)
Bakı. Sevil Zeynalqızı - APA. Ailə, Qadın və Uşaq Problemləri üzrə Dövlət Komitəsi Ombudsman Aparatı ilə birlikdə “Azərbaycan Respublikasında insan hüquq və azadlıqlarının müdafiəsinin səmərəliliyini artırmaq sahəsində Milli Fəaliyyət Proqramında qadın hüquqları” mövzusunda dəyirmi masa keçirib. APA-nın məlumatına görə, tədbirdə çıxış edən Ailə, Qadın və Uşaq Problemləri üzrə Dövlət Komitəsinin sərdi Hicran Hüseynova bildirib ki, fəaliyyət proqramı qadınların əmək bazarında rəqabət qabiliyyətinin artırılması, qadın sahibkarlığının inkişafı, qadınların yeni peşələrə yiyələnməsi, məişət zorakılığına məruz qalmış qadınlar üçün reabilitasiya proqramlarının həyata keçirilməsi, zorakılıqla mübarizənin gücləndirilməsi baxımından böyük əhəmiyyətə malikdir. Komitə sədri deyib ki, Azərbaycanda həmişə qadın hüquqları müdafiə olunub və bu sahədə vəziyyət getdikcə yaxşılaşır. H. Hüseynova qadın hüquqları ilə bağlı qanunvericilik bazasının işlənilməsi üçün tədbirlərin davam etdirilməsini və yeni mexanizmlərin hazırlanmasını vacib sayıb. O, bu sahədə Ombudsman Aparatı ilə müzakirələrin davam etdiriləcəyini söyləyib.
Ombudsman Elmira Süleymanova Azərbaycanda qadın hüquqları ilə bağlı mövcud olan qanunvericilik bazasından və Azərbaycanın bu sahədə qoşulduğu beynəlxalq konvensiyalardan danışıb. O, Azərbaycanda qadınların, xüsusilə ahıl qadınların peşə fəaliyyətinə cəlb olunması və onların yeni peşələrə yiyələnməsi üçün kursların təşkilini vacib hesab edib.
Tədbir digər qonaqların çıxışları ilə davam etdirilib.
Ombudsman Elmira Süleymanova Azərbaycanda qadın hüquqları ilə bağlı mövcud olan qanunvericilik bazasından və Azərbaycanın bu sahədə qoşulduğu beynəlxalq konvensiyalardan danışıb. O, Azərbaycanda qadınların, xüsusilə ahıl qadınların peşə fəaliyyətinə cəlb olunması və onların yeni peşələrə yiyələnməsi üçün kursların təşkilini vacib hesab edib.
Tədbir digər qonaqların çıxışları ilə davam etdirilib.
Sosial
Bakıda 20 dərəcə isti var, yağış yağacaq – FAKTİKİ HAVA
09:25
5 may 2024
TƏBİB Gəncə Şəhər Birləşmiş Xəstəxanasında külli miqdarda korrupsiya faktının aşkarlanmasına münasibət bildirib
17:14
4 may 2024
DYP "Bakı Marafonu-2024" ilə əlaqədar sürücülərə müraciət edib
15:07
4 may 2024
ABŞ-ın Stirlinq Fondu Azərbaycanda mina təhlükəsi ilə bağlı maliyyə yardımı ayıracaq
13:47
4 may 2024