Dağlıq Qarabağ

Ana səhifə

Dağlıq Qarabağ

Azərbaycan XİN başçısı həmsədrlərlə Dağlıq Qarabağ danışıqlarında yaranmış durğunluğu müzakirə edib

28 sentyabr 2012 08:08 (UTC +04:00)

Bakı – APA. Azərbaycan xarici işlər naziri Elmar Məmmədyarov BMT Baş Assambleyasının 67-ci sessiyasında iştirakı çərçivəsində sentyabrın 27-də ATƏT-in Minsk qrupunun həmsədrləri ilə görüşüb.

Xarici İşlər Nazirliyinin mətbuat xidmətindən APA-ya verilən məlumata görə, görüşdə Azərbaycanın işğal olunmuş ərazilərindən Ermənistan Silahlı Qüvvələrinin hələ də çıxarılmaması nəticəsində rəsmi İrəvanın birbaşa günahı ucbatından yaranmış durğunluq vəziyyəti müzakirə edilib.

E. Məmmədyarov Ermənistan tərəfinin “status-kvo”nun saxlanması üçün bütün hiylə və bəhanələrə əl atdığını bildirib.

Həmsədrlər öz ölkələrinin prezidentlərinin verdiyi bəyanatları bir daha təsdiq edərək, hazırkı “status-kvo”nun qəbul edilməz olduğunu vurğulayıblar.

E. Məmmədyarov Ermənistan Silahlı Qüvvələrinin Azərbaycanın işğal olunmuş ərazilərində qaldığı müddətdə regionda sülhün, təhlükəsizliyin və sabitliyin təhdid altında olacağını həmsədrlərin bir daha diqqətinə çatdırıb.